طريقه رول الفراخ رائعه
طريقة رول الفراخ وطلعت تحفة تسلم ايدك ياطعمها رائع بس طبعا ناقصها التزويق الجميل بتاعك بجيب الفراخ البانيه واقطعها صغير واضربها في الكبة وبعدين اضيف عليها ملح فلفل توابل فراخ بابريكا بودر توم وبصل وجنزبيل وقرفة وبقسماط مطحون ونقلبهم كويس ونسيبها في التلاجة ساعة وبعدين اجيب بصلة صغيرة واصفرها في شوية زيت وانزل بالخضار وملح وفلفل ومكعب ماجي واسيبه يستوي شوية وبعدين افرد الفراخ على الفويل واحط جبنة زي ماتحبوا اي انواع انا حطيت شيدر ورومي وموتزريلا وزيتون والخضار وتلفيه بالفويل براحة على شكل اسطوانة زي السويسرول كدة وتلفيى الفويل وتقفليه كويس من الجناب وحطي طبقة كمان واقفلي كويس وفي حلة مياة على النار بتغلي وحبهان وورق لورا وملح وفلفل وانزل بالفراخ تستوي كويس حوالي ساعة واطلعها واحطها في صينية وادهنها سمنة وموتزريلا واحمرها في الفرن بالشواية وبالهنا والشفا
ليست هناك تعليقات:
إرسال تعليق